Ulttyq ekonomika birinshi vitse-ministri Rýslan Dálenov 2018 jylǵa arnalǵan naqtylanǵan eldiń áleýmettik-ekonomikalyq damý boljamyn tanystyrdy, dep habarlaidy Sputnik Qazaqstan tilshisi.
Dálenovtiń aitýynsha, 2018 jyly nominaldy JIÓ 58,2 trillion teńge kóleminde boljanýda, bul sáýir aiyndaǵy naqtylanǵan kórsetkishten 1 trillion teńgege artyq.
"JIÓ-niń naqty ósimi 3,8 protsent deńgeiinde qaldy. Negizgi salalardyń ósý qarqyny búrynǵy deńgeide saqtaldy. Munaidyń álemdik baǵasynyń ósýi men ekonomika ósimin eskersek, eksport 56,5 milliard dollarǵa deiin ósedi, al import 33,2 milliard dollarǵa deiin tómendeidi. Infliatsiia bekitilgen diapozonda qalady dep boljanyp otyr", — dedi vitse-ministr májiliste zań jobasyn tanystyrý barysynda.
Túzetilgen makroboljam negizinde 2018 jylǵa arnalǵan respýblikalyq biýdjet parametrleriniń boljamy naqtylanǵan.
"Transfertti esepke almaǵandaǵy tabys bekitilgen jospar deńgeiinde saqtalyp otyr, iaǵni 5 trillion 718 milliard teńge. Shymkentke respýblikalyq mańyzdaǵy qala mártebesiniń berilýine bailanysty 2018 jylǵa arnalǵan biýdjette Túrkistan oblysynan 15 milliard teńge somasynda túsetin transfert qarastyrylǵan. Odan ári ol Shymkenttiń biýdjetine aýdarylady. Respýblikalyq biýdjet shyǵystary 12,6 milliard teńgege ulǵaiyp, 9 trillion 656 milliard teńge kóleminde boljanyp otyr", — dedi Dálenov.
Onyń aitýynsha, tapshylyq aldyńǵy bekitilgen 883 milliard teńge deńgeiinde saqtaldy. Ulttyq qorǵa munai sektorynan túsetin túsim burynǵy bekitilgen kólemge qaraǵanda 1 trillion 236 milliard teńgege ulǵaiyp, 3 trillion 121,4 milliard teńgeni quraidy.
"Sońǵy úsh aida teńge baǵamy bir AQSh dollary úshin 329-381 teńge aralyǵynda ózgerdi jáne ortasha 351 teńgeni qurady. Osyny eskere otyryp, teńgeniń dollarǵa qatysty esep aiysyrý baǵamy 340 teńgeden 350 teńgege deiin ulǵaidy. Jyl basynan beri munai baǵasy qubylmaly boldy. Halyqaralyq uiymdardyń konsensýs boljamy boiynsha munai baǵasy barreline 69 dollardy quraidy. Osyny eskere otyryp, bazalyq stsenariide munai baǵasy barreline 59 dollardan 60 dollaryna deiin artty", — dedi ol.
.jpeg)