شىمكەنتتٸڭ مەرتەبەسٸنە بايلانىستى رەسپۋبليكالىق بيۋدجەت قايتا قارالدى

ۇلتتىق ەكونوميكا بٸرٸنشٸ ۆيتسە-مينيسترٸ رۋسلان دەلەنوۆ 2018 جىلعا ارنالعان ناقتىلانعان ەلدٸڭ ەلەۋمەتتٸك-ەكونوميكالىق دامۋ بولجامىن تانىستىردى, دەپ حابارلايدى Sputnik قازاقستان تٸلشٸسٸ.

دەلەنوۆتٸڭ ايتۋىنشا, 2018 جىلى نومينالدى جٸٶ 58,2 تريلليون تەڭگە كٶلەمٸندە بولجانۋدا, بۇل سەۋٸر ايىنداعى ناقتىلانعان كٶرسەتكٸشتەن 1 تريلليون تەڭگەگە ارتىق. 

"جٸٶ-نٸڭ ناقتى ٶسٸمٸ 3,8 پروتسەنت دەڭگەيٸندە قالدى. نەگٸزگٸ سالالاردىڭ ٶسۋ قارقىنى بٷرىنعى دەڭگەيدە ساقتالدى. مۇنايدىڭ ەلەمدٸك باعاسىنىڭ ٶسۋٸ مەن ەكونوميكا ٶسٸمٸن ەسكەرسەك, ەكسپورت 56,5 ميلليارد دوللارعا دەيٸن ٶسەدٸ, ال يمپورت 33,2 ميلليارد دوللارعا دەيٸن تٶمەندەيدٸ. ينفلياتسييا بەكٸتٸلگەن دياپوزوندا قالادى دەپ بولجانىپ وتىر", — دەدٸ ۆيتسە-مينيستر مەجٸلٸستە زاڭ جوباسىن تانىستىرۋ بارىسىندا. 

تٷزەتٸلگەن ماكروبولجام نەگٸزٸندە 2018 جىلعا ارنالعان رەسپۋبليكالىق بيۋدجەت پارامەترلەرٸنٸڭ بولجامى ناقتىلانعان.

"ترانسفەرتتٸ ەسەپكە الماعانداعى تابىس بەكٸتٸلگەن جوسپار دەڭگەيٸندە ساقتالىپ وتىر, ياعني 5 تريلليون 718 ميلليارد تەڭگە. شىمكەنتكە رەسپۋبليكالىق ماڭىزداعى قالا مەرتەبەسٸنٸڭ بەرٸلۋٸنە بايلانىستى 2018 جىلعا ارنالعان بيۋدجەتتە تٷركٸستان وبلىسىنان 15 ميلليارد تەڭگە سوماسىندا تٷسەتٸن ترانسفەرت قاراستىرىلعان. ودان ەرٸ ول شىمكەنتتٸڭ بيۋدجەتٸنە اۋدارىلادى. رەسپۋبليكالىق بيۋدجەت شىعىستارى 12,6 ميلليارد تەڭگەگە ۇلعايىپ, 9 تريلليون 656 ميلليارد تەڭگە كٶلەمٸندە بولجانىپ وتىر", — دەدٸ دەلەنوۆ.

ونىڭ ايتۋىنشا, تاپشىلىق الدىڭعى بەكٸتٸلگەن 883 ميلليارد تەڭگە دەڭگەيٸندە ساقتالدى. ۇلتتىق قورعا مۇناي سەكتورىنان تٷسەتٸن تٷسٸم بۇرىنعى بەكٸتٸلگەن كٶلەمگە قاراعاندا 1 تريلليون 236 ميلليارد تەڭگەگە ۇلعايىپ, 3 تريلليون 121,4 ميلليارد تەڭگەنٸ قۇرايدى. 

"سوڭعى ٷش ايدا تەڭگە باعامى بٸر اقش دوللارى ٷشٸن 329-381 تەڭگە ارالىعىندا ٶزگەردٸ جەنە ورتاشا 351 تەڭگەنٸ قۇرادى. وسىنى ەسكەرە وتىرىپ, تەڭگەنٸڭ دوللارعا قاتىستى ەسەپ ايىسىرۋ باعامى 340 تەڭگەدەن 350 تەڭگەگە دەيٸن ۇلعايدى. جىل باسىنان بەرٸ مۇناي باعاسى قۇبىلمالى بولدى. حالىقارالىق ۇيىمداردىڭ كونسەنسۋس بولجامى بويىنشا مۇناي باعاسى باررەلٸنە 69 دوللاردى قۇرايدى. وسىنى ەسكەرە وتىرىپ, بازالىق ستسەنارييدە مۇناي باعاسى باررەلٸنە 59 دوللاردان 60 دوللارىنا دەيٸن ارتتى", — دەدٸ ول.