Foto: Ashyq derekkózden
Shymkenttegi munai óńdeý zaýytynda avtomunara aýdarylyp, eki adam qaitys boldy, dep habarlaidy Ult.kz.
"26 tamyz saǵat 14:30-da oqshaýlaý jumystaryn júrgizý kezinde avtomunara aýdarylyp, saldarynan eki adam qaza tapty. Jumysty merdiger uiym "KRS Astana " JShS júrgizip jatqan. Qaitys bolǵandar "KRS Astana" JShS jumysshylary bolǵan. Bul jaittyń sebebin jumys toby anyqtap jatyr", – delingen habarlamada.
Oqiǵanyń mán-jaiyn anyqtaý maqsatynda tergeý amaldary júrgizilip, qylmystyq is qozǵalǵan.
Zaýyt qazir qalypty rejimde jumysyn jalǵastyryp jatyr.
