Ánshi Janar Aijanova úilený toiynda torttyń alǵashqy bóligin kimge berý kerek degen talasqa qatysty pikir bildirdi,  dep habarlaidy ult.kz.

Óner iesi qýanyshty sátte mundai rásimge bola renjisýdi orynsyz sanaidy. Onyń sózinshe, tortqa qatysty daý keide úlken janjalǵa ulasyp, jas jubailardyń arasyna syzat túsiredi.

"Tortty bermei-aq qoisa eken. Eki jastyń tátti tort jep otyrǵanyn kórse jetpei me? Mindetti túrde anasyna, enesine, ata-anasyna berý kerek degen ne ádet? Kishkentai balalar táttini jaqsy kóredi ǵoi, solarǵa bersin. Ne bolmasa daiashylarǵa bersin. Osy torttyń daýynan qazir ajyrasýǵa deiin baryp jatyr", – dedi ánshi.

Aita keteiik, Janar Aijanova qazaqy tárbie týraly aitty.

Janar Aijanova kim? 
 

Janar Aijanova - qazaqstandyq ánshi ári aktrisa. Ol 1968 jyly Aqtóbe oblysy Shalqar aýdanynyń Tumalykól aýylynda dúniege kelgen. 1995 jyly Abai atyndaǵy Qazaq ulttyq pedagogikalyq ýniversitetiniń mýzyka fakýltetin bitirgen.

Ónerdegi eńbek jolyn aýdandyq mádeniet úiinen bastaǵan. 1985–1986 jyldary Shalqar aýdandyq mádeniet úiinde avtoklýb meńgerýshisi bolyp jumys istegen. Keiin kásibi sahnaǵa shyǵyp, 1991–2000 jyldary Súiinbai atyndaǵy Almaty oblystyq filarmoniiasynda, «Adyrna» folklorlyq-etnografiialyq ansamblinde eńbek etken.

Ánshiniń repertýarynda halyq ánderimen qatar, lirikalyq jáne estradalyq týyndylar bar. Onyń oryndaýyndaǵy «Balqadisha», «Mahabbat nazy», «Qurdasym», «Bárinen de sen sulý», «Qazaq qyzy», «Aýylym ánim», «Tobylǵy sai» sekildi ánder mýzykalyq platformalarda jariialanǵan.

Janar Aijanova akterlik qyrymen de tanylǵan. Ol otandyq telehikaialarǵa túsip, sonyń ishinde ene rólderin somdaǵan. Kórermenge ánshi retinde de, ekrandaǵy keiipkerleri arqyly da tanys.

Óner iesi suhbattarynda otbasy, áieldiń ómiri, bala tárbiesi jáne qazaqy salt-dástúr týraly oiyn ashyq aitady.