Shymkentte joǵalǵan kelinshektiń denesi aýyl mańyndaǵy aǵyn sýdan tabyldy. Qutqarýshylar men súńgirýler izdestirý jumystaryn 2 táýlik boiy júrgizdi, dep habarlaidy QazAqparat.
Eńbekshi aýdanynyń Jylanbuzǵan aýylynyń turǵyny, 1977 jylǵy kelinshek 10 sáýir kúni saǵat 22:08 shamasynda úiden shyǵyp ketkennen soń, qaita oralmaǵan. «Sýǵa túsip ketti», - dep boljam jasaǵan týystary birden tótenshe jaǵda departamentine qońyraý soǵyp, kómek surapty.
«Oqiǵa ornyna jetken jedel-qutqarý jasaǵy men kinologiialyq qyzmet mamandary aýyl mańynan aǵyp ótetin sýarmaly kanalda izdeý jumystaryn júrgizdi. Onyń eni - 3 metr, tereńdigi 2-2,5 metrdi quraidy. Nátijesinde 11 sáýir kúni saǵat 12.15-te áiel adamnyń denesin sýdan taýyp, shyǵaryp aldy», - delingen Shymkent qalasy TJD qoǵammen bailanys toby taratqan habarlamada.
Oqiǵa ornyna Shymkent qalasy TJD jedel-qutqarý jasaǵynyń 11 qyzmetkeri, 2 birlik tehnikasy men 1 kinologiialyq esep qyzmeti jumyldyrylǵan.
Sondai-aq politsiia departamentiniń 10 qyzmetkeri men 3 birlik tehnikasy, 30 –ǵa jýyq aýyl turǵyndary kómek kórsetken.
