Shymkenttiń qylmystyq ister jónindegi aýdanaralyq soty turǵyn úi basqarmasy basshysynyń orynbasaryna úkim shyǵardy, dep habarlaidy "Ult aqparat".
Sheneýnik kópqabatty úilerdi jóndeýge jáne olardyń seismikalyq tózimdiligine arnalǵan tehnologiialyq saraptamaǵa bólingen 367 million teńgeden astam qarjyny urlaǵany úshin aiyptaldy.
Tergeý málimetteri boiynsha, ol urlanǵan qarjyny monsha keshenin salyp, ata-anasynyń atyna rásimdegen, sondyqtan oǵan qylmystyq kiristi zańdastyrý baby boiynsha da aiyp taǵyldy. Sonymen qatar, urlanǵan qarjyny qaitaryp alǵan jeke kásipker de sottaldy.
Sottyń málimdemesine sáikes, aiyptalýshylardyń kinási kýálardyń aiǵaqtary, zattai dáleldemeler, sarapshylardyń qorytyndylary jáne basqa da dáleldemeler arqyly dáleldendi. Sheneýnik 9 jylǵa, al kásipker 8 jylǵa bas bostandyǵynan aiyryldy, alaida sot úkimi áli zańdy kúshine engen joq.
Aita keteiik, sottalýshy aqpan aiynda ustalǵan bolatyn. Ákim Ǵabit Syzdyqbekovtiń basshylyǵymen ótken jiynda sybailas jemqorlyqpen kúresýshiler ony birden ustaǵan bolatyn.
