Foto: QR QMA baspasóz qyzmeti
Shymkentte ózin ekonomikalyq tergep-tekserý qyzmetiniń qyzmetkeri retinde tanystyrǵan alaiaq ustaldy. Bul týraly Qarjylyq monitoring agenttiginiń qalalyq departamenti habarlady.
Tergeý málimetinshe, 2025 jyldyń qyrkúieginde kúdikti ózin resmi qyzmetker retinde tanystyryp, jergilikti kompaniia basshysyn aldap soqqan. Ol meditsinalyq mekemeni tekseriletin sýbektiler tiziminen shyǵaryp berýge yqpal etemin degen syltaýmen kásipkerden 25 million teńge alǵan.
Qazirgi tańda kúdikti ustalyp, ýaqytsha ustaý izoliatoryna qamaldy. Sotqa deiingi tergeý amaldary júrgizilip jatyr.
QR Qylmystyq-protsestik kodeksiniń 201-babyna sáikes, ózge málimetter tergeý múddesine bailanysty jariia etilmeidi.
Qarjylyq monitoring agenttigi azamattardy saq bolýǵa, aqparatty tek resmi derekkózder arqyly tekserýge jáne alaiaqtardyń arbaýyna túspeýge shaqyrdy.
