Foto: Polisia.kz
Shymkentte politseiler túngi klýbqa kelýshilerdiń shulyqtarynan esirtki tapty, – dep habarlaidy "Ult aqparat" Polisia.kz saityna silteme jasap.
Reidtik is-sharalar barysynda esirtki qylmysyna qarsy kúres basqarmasynyń qyzmetkerleri qaladaǵy túngi klýbtardyń biriniń kireberisinde tyiym salynǵan zattar bar degen kúdikpen eki jasty toqtatqan.
Tekserý nátijesinde 22 jastaǵy boijetkennen untaqty zaty bar shaǵyn polietilen paket tabyldy. Tártip saqshylary dál osyndai untaqty onyń 19 jastaǵy dosynan da tapty. Olar esirtkiniń bir rettik dozasyn qoldanyp kórý maqsatynda shulyqtaryna jasyrǵan.
"Saraptama qorytyndysy tárkilengen zattardyń mefedron ekenin rastady.
Ustalǵandar óz jaýabynda esirtkini kósheden taýyp alyp, klýbta kóńil kóterý úshin alyp kelgenin kórsetti.
Atalǵan jait Ál-Farabi APB-da QR QK-niń 296-baby 2-bóligi (Esirtki, psihotroptyq zattardy, sol tektesterdi ótkizý maqsatynsyz zańsyz daiyndaý, qaita óńdeý, iemdený, saqtaý, tasymaldaý) boiynsha tirkeldi" - delingen habarlamada.
Kúdiktilerge qatysty eshqaida ketpeý jáne tiisti minez-qulyq týraly bultartpaý sharasy qoldanylǵan. Qazirgi tańda sotqa deiingi tergeý amaldary júrgizilip jatyr.
