Qazaqstanda tún ortasyna deiin jumys isteitin taǵy eki HQKO paida boldy. «Azamattarǵa arnalǵan úkimettiń» HQKO-lardyń tún ortasyna deiingi jumysy boiynsha pilottyq jobasy jalǵasýda. Endi memlekettik qyzmetti alýǵa ótinish berý nemese daiyn anyqtamany alý múmkindigin tek astanalyqtar ǵana emes, Almaty jáne Shymkent qalalarynyń turǵyndary da ala alady. Bul týraly "Azamattarǵa arnalǵan úkimet" kommertsiialyq emes AQ baspasóz qyzmeti habarlady.
«Azamattarǵa arnalǵan úkimet» memlekettik korporatsiiasynyń Basqarma tóraǵasy Abylaihan Ospanovtyń aitýynsha, alǵashqy ret túngi saǵat 12-ge deiingi jumys kestesi iske qosylǵan Saýran, 7 mekenjaiyndaǵy astanalyq Halyqqa qyzmet kórsetý ortalyǵy qazirgi kezde barshaǵa tanymal. «Biz pilottyq jobaǵa muqiiat monitoring júrgizdik. Ony iske qosqan sátten bastap saǵ. 20:00 men 24:00 aralyǵy kezeńinde memlekettik qyzmet kórsetýge shamamen eki myń ótinish qabyldanyp, 506 qujat berilgen. Osyndai suranysty kórip, biz tún ortasyna deiingi jumys kestesin Shymkent jáne Almaty qalalaryndaǵy bólimderde de engizýdi sheshtik, sebebi bul eki qala halyq sany boiynsha eń úlken qalalar», - dedi A.Ospanov.
Jumys kestesi dúisenbi men juma aralyǵynda saǵ. 08:00-den 24:00-ge deiingi front-ofister Astana q. Saýran 7, Almaty q., Áýezov aýdany, Jandosov k-si, 51, Shymkent q., Qarataý aýdany, Nursat móltek aýdany, 24 mekenjailary boiynsha ornalasqan. Aitpaqshy, qyzmetti alýshylarǵa yńǵaily bolý úshin, memlekettik baj salyǵyn osy bólimderde saǵ. 24:00-ge deiin tóleýge bolady, sebebi kassalar da tún ortasyna deiingi jumys rejimine aýystyrylǵan. Senbi kúni bul bólimder saǵ. 20:00-ge deiin jumys isteidi.
