Shymkent qalasyndaǵy toǵyz qabatty turǵyn úiden órt shyqty, dep habarlaidy "Ult aqparat" qalalyq tótenshe jaǵdailar departamentine silteme jasap.
Oqiǵa 27 tamyzda saǵat 18.02-de Qarataý aýdanyndaǵy Nursát-2 shaǵynaýdanynda ornalasqan №20 turǵyn úide boldy. Toǵyzynshy qabatty turǵyn úidiń 2 jáne 9 qabaty aralyǵyndaǵy aýmaǵy 55 sharshy metrdi quraityn syrtqy qaptama men segizinshi qabattaǵy №48 páterde as úidiń 18 sharshy metri órtengen.
«Órt 18.30-da aýyzdyqtalyp, 18.48-de tolyqtai sóndirildi. Qaza bolǵandar men zardap shekkender joq. Órtten barlyǵy 20 adam qaýipsiz jerge kóshirildi. Olardyń arasynda 8-i bala. Oqiǵa ornynda Tótenshe jaǵdailar departamenti (28 qyzmetker men 7 tehnika), meditsinalyq apattar ortalyǵy (3 qyzmetker men 1 tehnika) mamandary boldy», - dep jazylǵan TJD taratqan habarlamada.
