شىمكەنت قالاسىنداعى توعىز قاباتتى تۇرعىن ٷيدەن ٶرت شىقتى, دەپ حابارلايدى "ۇلت اقپارات" قالالىق تٶتەنشە جاعدايلار دەپارتامەنتٸنە سٸلتەمە جاساپ.
وقيعا 27 تامىزدا ساعات 18.02-دە قاراتاۋ اۋدانىنداعى نۇرسەت-2 شاعىناۋدانىندا ورنالاسقان №20 تۇرعىن ٷيدە بولدى. توعىزىنشى قاباتتى تۇرعىن ٷيدٸڭ 2 جەنە 9 قاباتى ارالىعىنداعى اۋماعى 55 شارشى مەتردٸ قۇرايتىن سىرتقى قاپتاما مەن سەگٸزٸنشٸ قاباتتاعى №48 پەتەردە اس ٷيدٸڭ 18 شارشى مەترٸ ٶرتەنگەن.
«ٶرت 18.30-دا اۋىزدىقتالىپ, 18.48-دە تولىقتاي سٶندٸرٸلدٸ. قازا بولعاندار مەن زارداپ شەككەندەر جوق. ٶرتتەن بارلىعى 20 ادام قاۋٸپسٸز جەرگە كٶشٸرٸلدٸ. ولاردىڭ اراسىندا 8-ٸ بالا. وقيعا ورنىندا تٶتەنشە جاعدايلار دەپارتامەنتٸ (28 قىزمەتكەر مەن 7 تەحنيكا), مەديتسينالىق اپاتتار ورتالىعى (3 قىزمەتكەر مەن 1 تەحنيكا) ماماندارى بولدى», - دەپ جازىلعان تجد تاراتقان حابارلامادا.
