foto: pixabay.com
Shymkentte «Tik-Tok» áleýmettik jelisi arqyly zańsyz oiyn biznesin uiymdastyrý faktisi anyqtaldy, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Oqiǵa ornyn tekserý barysynda internet jelisi arqyly tórt akkaýntpen «Trinka Shamai» oiynyn oinatqan 1995 jyly týǵan azamat ekeni anyqtalǵan.
"Óziniń jaýabynda ol tikelei efir arqyly oinatqan akkaýnttardy jáne aqsha qarajattarynyń túsýi men aýdarylýyn qadaǵalaityn bank kartasyn beitanys azamattardan satyp alyp, paida tabý maqsatynda zańsyz oiyn biznesin uiymdastyrǵanyn atap kórsetti.
Qarap-tekserý barysynda uialy bailanys telefondary, karta taratýǵa arnalǵan apparattar, oiyn kartalary, oiynshylardyń esimderi kórsetilgen tizim aiǵaqty zattar retinde tárkilenip alyndy.
Uialy telefonda ornatylǵan bank qosymshasyna taldaý jasaý barysynda sońǵy bir ai ishinde jalpy aqsha qarajattarynyń ainalymy 15 mln teńge bolǵany anyqtaldy" - delingen agenttik habarlamasynda.
Zańbuzýshylyqtyń mán-jaiy anyqtalyp jatyr. QR QPK 201-babyna sáikes ózge aqparat jariialanbaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
