Foto: Shymkent qalalyq Densaýlyq saqtaý basqarmasy
Shymkentte áiel adam jańa týǵan balasyn kóshede tastap ketken. Qalalyq densaýlyq saqtaý basqarmasynyń málimetinshe, bala kiimsiz jatqan. Ony Rysqulov pen Baitursynov kóshesiniń qiylysyndaǵy balalar alańynan stýdent qyzdar taýyp alǵan, - dep habarlaidy Tengrinews.kz tilshisi.
Qyzdar sábidi 10 naýryzda saǵat 23:10-da Shymkenttiń jedel járdem ortalyǵyna apardy. Ol kezde dárigerler náresteniń jaǵdaiyn aýyr dep baǵalap, ony jansaqtaý bólimine jatqyzdy. Artynsha balany palataǵa aýystyrdy.
"Bala kiimsiz boldy, tek bir materialǵa oralǵan. Ol bir kún jansaqtaý bóliminde jatty, qazir ol jalpy bólimge aýystyryldy, jaǵdaiy qanaǵattanarlyq. Balada aýytqýlar joq, salmaǵy - 3200, boiy - 50 santimetr. Tamaqtanýy jaqsy. Náreste aýrýhanada dúniege kelmegen degen boljam bar, sebebi balanyń týǵanyna bir kún ǵana bolǵan. Balanyń týystary nemese anasy aýrýhanaǵa áli kelgen joq", - dedi Shymkent qalalyq densaýlyq saqtaý basqarmasynyń basshysy Baqytjan Pozilov.
