فوتو: شىمكەنت قالالىق دەنساۋلىق ساقتاۋ باسقارماسى
شىمكەنتتە ەيەل ادام جاڭا تۋعان بالاسىن كٶشەدە تاستاپ كەتكەن. قالالىق دەنساۋلىق ساقتاۋ باسقارماسىنىڭ مەلٸمەتٸنشە, بالا كيٸمسٸز جاتقان. ونى رىسقۇلوۆ پەن بايتۇرسىنوۆ كٶشەسٸنٸڭ قيىلىسىنداعى بالالار الاڭىنان ستۋدەنت قىزدار تاۋىپ العان, - دەپ حابارلايدى Tengrinews.kz تٸلشٸسٸ.
قىزدار سەبيدٸ 10 ناۋرىزدا ساعات 23:10-دا شىمكەنتتٸڭ جەدەل جەردەم ورتالىعىنا اپاردى. ول كەزدە دەرٸگەرلەر نەرەستەنٸڭ جاعدايىن اۋىر دەپ باعالاپ, ونى جانساقتاۋ بٶلٸمٸنە جاتقىزدى. ارتىنشا بالانى پالاتاعا اۋىستىردى.
"بالا كيٸمسٸز بولدى, تەك بٸر ماتەريالعا ورالعان. ول بٸر كٷن جانساقتاۋ بٶلٸمٸندە جاتتى, قازٸر ول جالپى بٶلٸمگە اۋىستىرىلدى, جاعدايى قاناعاتتانارلىق. بالادا اۋىتقۋلار جوق, سالماعى - 3200, بويى - 50 سانتيمەتر. تاماقتانۋى جاقسى. نەرەستە اۋرۋحانادا دٷنيەگە كەلمەگەن دەگەن بولجام بار, سەبەبٸ بالانىڭ تۋعانىنا بٸر كٷن عانا بولعان. بالانىڭ تۋىستارى نەمەسە اناسى اۋرۋحاناعا ەلٸ كەلگەن جوق", - دەدٸ شىمكەنت قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ.
