Shymkenttegi saýda-oiyn-saýyq ortalyqtarynyń birinde órt bolyp, qoiý tútin basqan terezeden shyǵýǵa tyrysqan er adamdy órt sóndirýshiler avtosatynyń kómegimen qutqaryp qaldy, dep habarlaidy Ult.kz.
Qalalyq TJD málimetinshe, órt kezinde avtosaty men úsh bólimdi saty arqyly bes adam qutqarylǵan. Qalǵan kelýshiler órt sóndirýshiler kelgenge deiin ózderi ǵimarattan shyǵyp úlgergen.
Áleýmettik jelide taraǵan beinejazbadan er adamnyń qoiý tútin shyǵyp jatqan tereze jaqtaýynan ustap turǵanyn kórýge bolady. Birneshe minýttan keiin qutqarýshylar saty arqyly kóterilip, oǵan tómen túsýge kómektesken.
«Órt sóndirýshilerdiń jedel áreketteriniń arqasynda bes adam qutqaryldy, olardyń ómirine qaýip joq. Órt qysqa merzim ishinde aýyzdyqtalyp, tolyq sóndirildi», – delingen habarlamada.
Qutqarylǵan er adamnyń týystary jelide ol TRTs ishindegi fitnes zalda sportpen shuǵyldanyp júrgenin, tútinge tolǵan bólmede qalyp qoiǵanyn jazdy:
«Eshteńe kórinbedi. Ol bul jaqta tereze baryn biletin, kózin jumyp sol jerden shyǵyp úlgerdi. Qazir aýrýhanada, jaǵdaiy jaqsy», – dedi jaqyndary.
