شىمكەنتتەگٸ ساۋدا-ويىن-ساۋىق ورتالىقتارىنىڭ بٸرٸندە ٶرت بولىپ, قويۋ تٷتٸن باسقان تەرەزەدەن شىعۋعا تىرىسقان ەر ادامدى ٶرت سٶندٸرۋشٸلەر اۆتوساتىنىڭ كٶمەگٸمەن قۇتقارىپ قالدى, دەپ حابارلايدى Ult.kz.
قالالىق تجد مەلٸمەتٸنشە, ٶرت كەزٸندە اۆتوساتى مەن ٷش بٶلٸمدٸ ساتى ارقىلى بەس ادام قۇتقارىلعان. قالعان كەلۋشٸلەر ٶرت سٶندٸرۋشٸلەر كەلگەنگە دەيٸن ٶزدەرٸ عيماراتتان شىعىپ ٷلگەرگەن.
ەلەۋمەتتٸك جەلٸدە تاراعان بەينەجازبادان ەر ادامنىڭ قويۋ تٷتٸن شىعىپ جاتقان تەرەزە جاقتاۋىنان ۇستاپ تۇرعانىن كٶرۋگە بولادى. بٸرنەشە مينۋتتان كەيٸن قۇتقارۋشىلار ساتى ارقىلى كٶتەرٸلٸپ, وعان تٶمەن تٷسۋگە كٶمەكتەسكەن.
«ٶرت سٶندٸرۋشٸلەردٸڭ جەدەل ەرەكەتتەرٸنٸڭ ارقاسىندا بەس ادام قۇتقارىلدى, ولاردىڭ ٶمٸرٸنە قاۋٸپ جوق. ٶرت قىسقا مەرزٸم ٸشٸندە اۋىزدىقتالىپ, تولىق سٶندٸرٸلدٸ», – دەلٸنگەن حابارلامادا.
قۇتقارىلعان ەر ادامنىڭ تۋىستارى جەلٸدە ول ترتس ٸشٸندەگٸ فيتنەس زالدا سپورتپەن شۇعىلدانىپ جٷرگەنٸن, تٷتٸنگە تولعان بٶلمەدە قالىپ قويعانىن جازدى:
«ەشتەڭە كٶرٸنبەدٸ. ول بۇل جاقتا تەرەزە بارىن بٸلەتٸن, كٶزٸن جۇمىپ سول جەردەن شىعىپ ٷلگەردٸ. قازٸر اۋرۋحانادا, جاعدايى جاقسى», – دەدٸ جاقىندارى.
