Búgin Shymkenttegi «Kórme» ortalyǵynda «Uly dala kilemderi» atty beskúndik kilemder jármeńkesi ashyldy, dep habarlaidy oblys ákiminiń baspasóz qyzmeti.
Kórmeni tamashalaýǵa Ońtústik Qazaqstan oblysynyń ákimi J.Túimebaev jáne oblysymyzǵa arnaiy jumys saparymen kelgen Iran Islam Respýblikasynyń Horasan Razavi provintsiiasynyń gýbernatory bastaǵan delegatsiia keldi.
Kórmeniń ashylý saltanatynda sóz alǵan aimaq basshysy Qazaqstandaǵy eń iri «Bal Tekstil» otandyq kilem óndirýshi fabrikasy Elbasynyń bastamasymen qurylǵan «Ońtústik» arnaiy ekonomikalyq aimaǵynda júzege asyrylǵanyn atap ótti.
«Respýblikadaǵy iri kilem zaýyty toqyma salasyna qosar úlesi mol. Búginde fabrika airyqsha oiý-órnektermen árlengen, otandyq kilemniń 2000-nan astam túrlerin oblys turǵyndaryna usynýda. Jobanyń seriktesi - álemdegi eń iri 5 kilem óndirýshilerdiń biri bolyp tabylatyn jáne álemdik naryqta 20 jyldan astam tájiribesi bar «Kartal Hali» (Túrkiia) kompaniiasy», - dedi ákim.
Shymkentte ekinshi ret ótip jatqan kórmeni elimizdegi iri kilem shyǵarýshy «Bal Tekstil» fabrikasy uiymdastyrdy. Jármeńkede qonaqtardyń nazaryna 1 myńnan astam kilemder men onyń túrleri usynylýda. Jármeńkede kilem túrlerin arzandatylǵan baǵada satyp alýǵa bolady.
Aita keteiik, óndiristik qýaty jylyna 5 mln sharshy metr kilem toqýǵa qaýqarly fabrika iske qosylǵan 2013 jyldan beri 9 mln sharshy metrge jýyq kilem toqysa, osy aralyqta 6 mln keli bolatyn propilen jibin iirgen.
