Shymkent qalalyq ákimdiginde “Nurly jol” jáne “Nurly jer” baǵdarlamalarynyń oryndalý barysy jaily májilis ótti. Kún tártibinde eki másele boldy. Birinshisi – “Nurly jol” baǵdarlamasy aiasynda 2015-2019 jyldary infraqurylymdy damytý baǵdarlamasynyń oryndalýy. Ekinshisi – “Nurly jer” baǵdarlamasy aiasynda 2017 jyldyń 6 aiyndaǵy úi qurylysynyń qorytyndysy.
Alǵashqy másele boiynsha qalalyq turǵyn úi-kommýnaldy sharýashylyq bóliminiń jetekshisi Nurlan Bektursynov málimdeme jasady. Shymkentte baspana kezeginde 31 276 adm tirkelgen. Olardyń arasynda: 2 UOS ardageri, jetim jáne ata-ana qamqorlyǵynsyz qalǵan balalar – 1 599, áleýmettik az qamtylǵan – 11 275, memlekettik jáne biýdjettik mekeme qyzmetkerleri – 1 837, jalǵyz baspanasy apatty dep tanylǵandar – 29 adam. Osy azamattardy baspanamen qamtamasyz etý úshin 1 438 720 sharshy metr úi qajet.
Sońǵy 3 jylda Shymkent qalasynyń halqy 25%-ǵa, al baspana kezegindegi turǵyndar sany 126,6%-ǵa artty. 2016 jyly Shymkentte 69 úi paidalanýǵa berildi. Bul – 4 286 páter degen sóz. Al 2017 jyly 43 úi el igiligine berilmek (2 250 páter).
Jospar boiynsha 2020 jylǵa deiin baspana kezeginde turǵan azamattardyń 80%-y arendalyq baspanamen qamtamasyz etiledi. Al bul – jyl saiyn 3000 páterdi paidalanýǵa tapsyryp turý degen sóz. Qalǵan 20%-y baspanany nesiege ala alady. Osylaisha jyl saiyn 4100 nesielik páterdi el igiligine tapsyrý kózdelýde.
Buǵan qosa, baspana úlestirý protsesi ashyq bolýy úshin “Ashyq ákimdik” jobasy aiasynda avtomatty elektrondy baǵdarlama daiyndalýda. Osy maqsatta baǵdarlama jasaý úshin «CUSTOM SOLUTIONS CENTER» JShS-men kelisim-shart túzilgen. Bul baǵdarlama elimizde alǵash ret Shymkent qalasynda iske qosylmaq.
Baǵdarlamanyń maqsaty:
* Baspanany turǵyndar arasynda úlestirýde avtomattandyrý;
* Ótinish berýshi men qyzmet kórsetýshi arasyndaǵy adami faktordy joiý;
Al kún tártibindegi ekinshi taqyryp boiynsha qurylys bóliminiń jetekshisi Málik Ábdinurov pen onyń orynbasary Abai Turhanov aqparat usyndy.
2016-2017 jyldary Shymkentte “Nurly jol” baǵdarlamasy aiasynda 4 shaǵynaýdanda (Samal-1,2, Qaitpas-1 jáne Soltústik-batys) káriz júiesi tartylýda. Qurylys aiaqtalǵan soń káriz jelisimen qamtylǵan qala halqynyń úlesi 42%-dan 49,1%-ǵa deiin ósedi.
Mańyzdy máseleler:
Káriz qubyry tartylyp jatqan birneshe kóshede (Qaitpas-1 – 16 kóshe, Soltústik-batys – 8 kóshe, Samal-1,2 – 15 kóshe) asfalt tóseledi. Merdiger káriz qudyqtaryn asfaltpen jabady. Buǵan qosa asfalt tóselgen jerlerde abonentterdiń káriz jelisine qosylýy qiyndaý. 2016 jyly “Nurly jer” baǵdarlamasy aiasynda injenerli jáne jol infraqurylymynyń 6 nysany salynýda. “Nurly jer” baǵdarlamasy aiasynda ákimshilik-iskerlik ortalyqta 2 turǵyn úi salynýda. Olar 2017 jyldyń qarasha aiynda paidalanýǵa beriledi dep kútilýde.
Buǵan qosa “Nurly jer” baǵdarlamasyn sapaly ári der kezinde júzege asyrý úshin jergilikti biýdjet esebinen 9 nesielik úi salynýda.
Shymkent qalalyq qurylys bólimi tarapynan “Nurly jer” baǵdarlamasy aiasynda 107 nysannyń jobalyq-smetalyq qujaty ázirlenýde. Olardyń arasynda:
– kópqabatty turǵyn úi – 101 (7 790 páter, 459 229 sh.m.);
3-klasty 75 úi (6 570 páter, 391 692 sh.m.);
4-klasty 26 úi (1 444 páter, 82 379 sh.m.).
– injenerli infraqurylym – 6.
