Foto: Sputnik/Ertai Sarbasov
Shymkentte 5 birdei sport mektebiniń qyzmetkerlerine negizsiz ústemeaqy tólenip kelgeni belgili boldy, dep habarlaidy «Ult aqparat» 24.kz-ke silteme jasap.
2018 jyldan beri mekeme direktorlarynyń júrgizýshilerine, muraǵatshylar men komendant, aýdarmashylardyń esepshotyna jalpy somasy 15 million teńge aýdarylǵan. Sybailas jemqorlyqqa qarsy qyzmet ókilderi qalalyq sport basqarmasyna taldaý jasady. Tekserý tobyna eriktiler de qatysty. Nátijesinde biýdjetten bólingen qarajat artyǵymen aýdarylǵany áshkere boldy.
Sonymen qatar qosymsha aqy esepteýdiń taǵy birneshe joldary anyqtaldy. Qazir talan-tarajǵa túsken qarajatty memleket paidasyna qaitarý jumystary júrip jatyr. Sala mamandaryna qatysty tártiptik jaza qoldanýǵa nusqaý berildi.
"2018 jyldan bastap 2023 jyldyń aralyǵynda negizsiz tólengen. Bul boiynsha Ishki memlekettik aýdit departamenti aldyn ala zerdeleý júrgizgen. Sol somanyń 13,3 million teńgesi biýdjetke qaitarylǵan. Qarajattar qaitarylǵannan keiin bizdiń departamentpen jergilikti atqarýshy organǵa tiisti hat joldandy", - deidi sybailas jemqorlyqqa qarsy is-qimyl agenttigi boiynsha departamentiniń bas mamany Jani Qambar.
