فوتو: Sputnik/ەرتاي سارباسوۆ
شىمكەنتتە 5 بٸردەي سپورت مەكتەبٸنٸڭ قىزمەتكەرلەرٸنە نەگٸزسٸز ٷستەمەاقى تٶلەنٸپ كەلگەنٸ بەلگٸلٸ بولدى, دەپ حابارلايدى «ۇلت اقپارات» 24.kz-كە سٸلتەمە جاساپ.
2018 جىلدان بەرٸ مەكەمە ديرەكتورلارىنىڭ جٷرگٸزۋشٸلەرٸنە, مۇراعاتشىلار مەن كومەندانت, اۋدارماشىلاردىڭ ەسەپشوتىنا جالپى سوماسى 15 ميلليون تەڭگە اۋدارىلعان. سىبايلاس جەمقورلىققا قارسى قىزمەت ٶكٸلدەرٸ قالالىق سپورت باسقارماسىنا تالداۋ جاسادى. تەكسەرۋ توبىنا ەرٸكتٸلەر دە قاتىستى. نەتيجەسٸندە بيۋدجەتتەن بٶلٸنگەن قاراجات ارتىعىمەن اۋدارىلعانى ەشكەرە بولدى.
سونىمەن قاتار قوسىمشا اقى ەسەپتەۋدٸڭ تاعى بٸرنەشە جولدارى انىقتالدى. قازٸر تالان-تاراجعا تٷسكەن قاراجاتتى مەملەكەت پايداسىنا قايتارۋ جۇمىستارى جٷرٸپ جاتىر. سالا ماماندارىنا قاتىستى تەرتٸپتٸك جازا قولدانۋعا نۇسقاۋ بەرٸلدٸ.
"2018 جىلدان باستاپ 2023 جىلدىڭ ارالىعىندا نەگٸزسٸز تٶلەنگەن. بۇل بويىنشا ٸشكٸ مەملەكەتتٸك اۋديت دەپارتامەنتٸ الدىن الا زەردەلەۋ جٷرگٸزگەن. سول سومانىڭ 13,3 ميلليون تەڭگەسٸ بيۋدجەتكە قايتارىلعان. قاراجاتتار قايتارىلعاننان كەيٸن بٸزدٸڭ دەپارتامەنتپەن جەرگٸلٸكتٸ اتقارۋشى ورگانعا تيٸستٸ حات جولداندى", - دەيدٸ سىبايلاس جەمقورلىققا قارسى ٸس-قيمىل اگەنتتٸگٸ بويىنشا دەپارتامەنتٸنٸڭ باس مامانى جاني قامبار.
