Foto: elements.envato.com
Shymkentte bilim berý mekemesi basketbol dobyn 232 000 teńgege satyp alýdy josparlaǵan. Bul týraly Sybailas jemqorlyqqa qarsy is-qimyl agenttiginiń Shymkent qalasy boiynsha departamenti basshysy Dáýren Erǵarin málimdedi, - dep habarlaidy "Ult aqparat".
"Shymkent qalasy boiynsha Sybailas jemqorlyqqa qarsy qyzmet 2,2 million teńgeden asa somaǵa biýdjet qarajatyn tiimsiz paidalanýdyń aldyn aldy.
Qalalyq bilim basqarmasynyń "№90 daryndy balalarǵa arnalǵan mamandandyrylǵan mektep-gimnaziiasy" KMM memlekettik satyp alý josparynda 2,7 million biýdjet qarajatyna 20 dop alýdy bekitken. Taýardyń árbireýi 2-den 10 esege deiin asyra baǵalanyp eseptelgen.
Memlekettik mekeme basketbol dobyn 232 myń teńgege, al voleibol dobyn 42 myń teńgege satyp alýdy josparlaǵan.
Departament memlekettik satyp alýdy uiymdastyrýshynyń atyna jospardyń tarmaǵyn qaita qaraý týraly usynys hat joldady. Nátijesinde 2,2 mln. teńgeden astam qarjy únemdeldi", - dep jazdy Dáýren Erǵarin Facebook-paraqshasynda.
Aita keteiik, biýdjet qarajatyn únemdeý maqsatynda Sybailas jemqorlyqqa qarsy qyzmet satyp alý naryǵynyń ashyqtyǵy men qoljetimdiligin arttyratyn «Biryńǵai satyp alý terezesi» veb-portalyna únemi monitoring júrgizedi.
