فوتو: elements.envato.com
شىمكەنتتە بٸلٸم بەرۋ مەكەمەسٸ باسكەتبول دوبىن 232 000 تەڭگەگە ساتىپ الۋدى جوسپارلاعان. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ شىمكەنت قالاسى بويىنشا دەپارتامەنتٸ باسشىسى دەۋرەن ەرعارين مەلٸمدەدٸ, - دەپ حابارلايدى "ۇلت اقپارات".
"شىمكەنت قالاسى بويىنشا سىبايلاس جەمقورلىققا قارسى قىزمەت 2,2 ميلليون تەڭگەدەن اسا سوماعا بيۋدجەت قاراجاتىن تيٸمسٸز پايدالانۋدىڭ الدىن الدى.
قالالىق بٸلٸم باسقارماسىنىڭ "№90 دارىندى بالالارعا ارنالعان مامانداندىرىلعان مەكتەپ-گيمنازيياسى" كمم مەملەكەتتٸك ساتىپ الۋ جوسپارىندا 2,7 ميلليون بيۋدجەت قاراجاتىنا 20 دوپ الۋدى بەكٸتكەن. تاۋاردىڭ ەربٸرەۋٸ 2-دەن 10 ەسەگە دەيٸن اسىرا باعالانىپ ەسەپتەلگەن.
مەملەكەتتٸك مەكەمە باسكەتبول دوبىن 232 مىڭ تەڭگەگە, ال ۆولەيبول دوبىن 42 مىڭ تەڭگەگە ساتىپ الۋدى جوسپارلاعان.
دەپارتامەنت مەملەكەتتٸك ساتىپ الۋدى ۇيىمداستىرۋشىنىڭ اتىنا جوسپاردىڭ تارماعىن قايتا قاراۋ تۋرالى ۇسىنىس حات جولدادى. نەتيجەسٸندە 2,2 ملن. تەڭگەدەن استام قارجى ٷنەمدەلدٸ", - دەپ جازدى دەۋرەن ەرعارين Facebook-پاراقشاسىندا.
ايتا كەتەيٸك, بيۋدجەت قاراجاتىن ٷنەمدەۋ ماقساتىندا سىبايلاس جەمقورلىققا قارسى قىزمەت ساتىپ الۋ نارىعىنىڭ اشىقتىعى مەن قولجەتٸمدٸلٸگٸن ارتتىراتىن «بٸرىڭعاي ساتىپ الۋ تەرەزەسٸ» ۆەب-پورتالىنا ٷنەمٸ مونيتورينگ جٷرگٸزەدٸ.
