Shymkent qalasyndaǵy Ál-Farabi atyndaǵy №113 orta mekteptiń direktory Nadyrbek Jamatov ekskavator júrgizýshiniń basyna kútpegen jerden tapansha taqap, ony notariýsqa alyp baryp, qaryz qolhatyn jazýǵa májbúrlegen. Bul týraly Ernat Sherzatuly esimdi ekskavator júrgizýshisiniń ózi málimdep otyr, dep habarlaidy Ult.kz.
Gosrating áleýmettik jeli paraqshasyndaǵy beinejazbada ózin jábirlenýshi retinde tanystyrǵan azamattyń sózinshe mektep direktorynyń mundai áreketine direktorǵa tiesili arnaiy tehnikanyń qozǵaltqyshy isten shyǵýy sebep bolǵan.
Foto: Videodan skrinshot
"Notariýs menen tórt ret "óziń keldiń be?" dep surady. Men "joq" dep jylap turǵanymdy kórdi. Artyma qarasam naǵashym jáne býhgalter, Nadyrbektiń balasy, úsheýi videoǵa túsirip otyr eken, sosyn besinshi ret suraǵanda "iá" dep aittym. Notariýsqa deiin pistolet tirep apardy. Eger maǵan, otbasyma birdeńe bolatyn bolsa, sol Nadyrbektiń jumysy dep bilesizder", - dedi ekskavator júrgizýshisi óz málimdemesinde.
