Qaiǵyly oqiǵa keshe Shymkentke qarasty aýdanda oryn alǵan, - dep habarlaidy «TVK» arnasyna silteme jasaǵan NUR.KZ.
Politsiia jergilikti úilerdiń birinen úsh adamnyń denesin tapqan. Olar 1965 jyly týylǵan áiel men onyń 1995, 2005 jyldary týylǵan qos uly.
Mamandardyń aitýynsha, qylmysker otbasynyń tanysy bolǵan. Sebebi, aldymen áieldi jáne úlken ulyn óltirgen.
Muny kórgen 12 jasar uly tyǵylyp qalypty. Biraq qylmysker ony taýyp alyp, qylqyndyryp óltirgen.
Al kórshileriniń aitýynsha, eshkim qaitys bolǵan otbasynyń jamandyǵyn kórmegen.
«Óte qarapaiym kisiler bolatyn. Kóriskende amandyǵymyz túzý edi. Anasy óte eńbekqor, balalaryn asyraý úshin kúni-túni jumys jasaityn. Balalary da uldarymmen qatar ósti. Tárbieli, oǵash qylyǵy bolmaǵan», - dedi qaza tapqandardyń kórshisi.
Aita keteiik, qazirgi ýaqytta qylmysqa qatysty tergeý isi bastaldy. Oqiǵa ornynan saýsaq izderi alynyp, múrdeler zertteýge jiberilgen.
