Foto: gov.kz
Qarjylyq monitoring agenttiginiń Shymkent qalasy boiynsha departamenti zańsyz oiyn biznesin uiymdastyrǵan qylmystyq toptyń jolyn kesti, dep habarlaidy Ult.kz.
Tergeý derekterine sáikes, qala turǵyny mobildi qosymsha arqyly jumys isteitin jasyryn internet-kazino quryp, onyń búkil qyzmetin úilestirip otyrǵan. Qylmystyq shemany júzege asyrý úshin «Tehas holdem» formatyndaǵy poker oiynyna arnalǵan qosymsha paidalanylǵan. Sol arqyly «Vendetta» jáne «AMG600L» atty virtýaldy klýbtar ashylyp, keiin olar «Nomad» dep atalatyn biryńǵai jelige biriktirilgen.
Zańsyz oiyn alańdary táýlik boiy úzdiksiz jumys istep, tek Qazaqstan emes, kórshi Ózbekstan men Qyrǵyzstannan da oiynshylardy tartqan. Klient sanyn arttyrý maqsatynda messendjerler arqyly maqsatty jarnamalar jiberilip, túrli bonýs pen yntalandyrý júieleri qoldanylǵan.
Oiynshylar óz shottaryn bank aýdarymdary arqyly tolyqtyryp, arnaiy «fishkalar» alǵan. Al utysqa ie bolǵan jaǵdaida qarajat qolma-qol aqshaǵa ainaldyrylyp, paidalanýshylardyń bank kartalaryna aýdarylyp otyrǵan.
Uiymdastyrýshylardyń negizgi tabysy ár oiyn ústelinen alynatyn 3–5 paiyz kólemindegi komissiiadan (reik) quralǵan. Budan bólek, oiynshylardy táýeldi etý úshin olarǵa virtýaldy qarajatty qaryzǵa berý tájiribesi de engizilgen.
Qarjy izin jasyrý úshin «dropperlerdiń», sonyń ishinde shetel azamattarynyń bank shottary paidalanylǵan. Ár esepshot úshin olarǵa 100–200 myń teńge kóleminde syiaqy tólenip otyrǵan. Jalpy aqsha ainalymy 557 mln teńgeden asqany anyqtaldy.
Tintý barysynda uiymdastyrýshynyń úiinen esirtki zaty tabylyp, tárkilendi. Qazirgi tańda eki kúdiktige qatysty úiqamaq túrindegi bultartpaý sharasy qoldanylyp, qylmystyq is sotqa joldandy.
Eske sala keteiik, buǵan deiin Shymkentte psihotroptyq zattarmen ustalǵan kúdikti de qamaýǵa alynǵan bolatyn.
