فوتو: gov.kz
قارجىلىق مونيتورينگ اگەنتتٸگٸنٸڭ شىمكەنت قالاسى بويىنشا دەپارتامەنتٸ زاڭسىز ويىن بيزنەسٸن ۇيىمداستىرعان قىلمىستىق توپتىڭ جولىن كەستٸ, دەپ حابارلايدى Ult.kz.
تەرگەۋ دەرەكتەرٸنە سەيكەس, قالا تۇرعىنى موبيلدٸ قوسىمشا ارقىلى جۇمىس ٸستەيتٸن جاسىرىن ينتەرنەت-كازينو قۇرىپ, ونىڭ بٷكٸل قىزمەتٸن ٷيلەستٸرٸپ وتىرعان. قىلمىستىق سحەمانى جٷزەگە اسىرۋ ٷشٸن «تەحاس حولدەم» فورماتىنداعى پوكەر ويىنىنا ارنالعان قوسىمشا پايدالانىلعان. سول ارقىلى «Vendetta» جەنە «AMG600L» اتتى ۆيرتۋالدى كلۋبتار اشىلىپ, كەيٸن ولار «Nomad» دەپ اتالاتىن بٸرىڭعاي جەلٸگە بٸرٸكتٸرٸلگەن.
زاڭسىز ويىن الاڭدارى تەۋلٸك بويى ٷزدٸكسٸز جۇمىس ٸستەپ, تەك قازاقستان ەمەس, كٶرشٸ ٶزبەكستان مەن قىرعىزستاننان دا ويىنشىلاردى تارتقان. كليەنت سانىن ارتتىرۋ ماقساتىندا مەسسەندجەرلەر ارقىلى ماقساتتى جارنامالار جٸبەرٸلٸپ, تٷرلٸ بونۋس پەن ىنتالاندىرۋ جٷيەلەرٸ قولدانىلعان.
ويىنشىلار ٶز شوتتارىن بانك اۋدارىمدارى ارقىلى تولىقتىرىپ, ارنايى «فيشكالار» العان. ال ۇتىسقا يە بولعان جاعدايدا قاراجات قولما-قول اقشاعا اينالدىرىلىپ, پايدالانۋشىلاردىڭ بانك كارتالارىنا اۋدارىلىپ وتىرعان.
ۇيىمداستىرۋشىلاردىڭ نەگٸزگٸ تابىسى ەر ويىن ٷستەلٸنەن الىناتىن 3–5 پايىز كٶلەمٸندەگٸ كوميسسييادان (رەيك) قۇرالعان. بۇدان بٶلەك, ويىنشىلاردى تەۋەلدٸ ەتۋ ٷشٸن ولارعا ۆيرتۋالدى قاراجاتتى قارىزعا بەرۋ تەجٸريبەسٸ دە ەنگٸزٸلگەن.
قارجى ٸزٸن جاسىرۋ ٷشٸن «دروپپەرلەردٸڭ», سونىڭ ٸشٸندە شەتەل ازاماتتارىنىڭ بانك شوتتارى پايدالانىلعان. ەر ەسەپشوت ٷشٸن ولارعا 100–200 مىڭ تەڭگە كٶلەمٸندە سىياقى تٶلەنٸپ وتىرعان. جالپى اقشا اينالىمى 557 ملن تەڭگەدەن اسقانى انىقتالدى.
تٸنتۋ بارىسىندا ۇيىمداستىرۋشىنىڭ ٷيٸنەن ەسٸرتكٸ زاتى تابىلىپ, تەركٸلەندٸ. قازٸرگٸ تاڭدا ەكٸ كٷدٸكتٸگە قاتىستى ٷيقاماق تٷرٸندەگٸ بۇلتارتپاۋ شاراسى قولدانىلىپ, قىلمىستىق ٸس سوتقا جولداندى.
ەسكە سالا كەتەيٸك, بۇعان دەيٸن شىمكەنتتە پسيحوتروپتىق زاتتارمەن ۇستالعان كٷدٸكتٸ دە قاماۋعا الىنعان بولاتىن.
