Foto: ashyq derekkóz
Shymkentte syrtqy jarnamaǵa qatysty zań buzýshylyqtar anyqtalyp, kásipkerlerge negizsiz eseptelgen 260 mln teńge qaitaryldy. Bul týraly qala prokýratýrasy habarlady.
Vedomstvo júrgizgen taldaý barysynda jergilikti atqarýshy organdar tarapynan birqatar zańsyzdyqtarǵa jol berilgeni belgili bolǵan.
Atap aitqanda, 4286 kásipkerge memlekettik baqylaý nátijesinde aldyn ala eskertý berilmei, buzýshylyqtardy óz erkimen joiý múmkindigi shektelgen. Sonymen qatar jarnama bolyp sanalmaityn 127 nysan syrtqy jarnama retinde tirkelip, olarǵa tólemaqy eseptelgen.
Budan bólek, syrtqy jarnama nysanyn ornatpaǵan 115 tulǵa da negizsiz tólem tóleýshi retinde tanylǵan.
Prokýratýra málimetinshe, osynyń saldarynan kásipkerlerge jalpy kólemi 260 mln teńge zańsyz eseptelgen.
Prokýrorlyq qadaǵalaý aktileriniń nátijesinde biýdjetke óndirilgen qarajat keri qaitarylyp, 2571 kásipker men jeke tulǵanyń quqyqtary qorǵaldy.
Sonymen qatar, zań buzýshylyqtarǵa jol bergen laýazymdy tulǵalar tártiptik jáne ákimshilik jaýapkershilikke tartyldy.
Aita keteiik, buǵan deiin qalada jarnama tólemderin esepteý máselesi kásipkerler arasynda túsinbeýshilik týdyrǵan bolatyn.
