فوتو: اشىق دەرەككٶز
شىمكەنتتە سىرتقى جارناماعا قاتىستى زاڭ بۇزۋشىلىقتار انىقتالىپ, كەسٸپكەرلەرگە نەگٸزسٸز ەسەپتەلگەن 260 ملن تەڭگە قايتارىلدى. بۇل تۋرالى قالا پروكۋراتۋراسى حابارلادى.
ۆەدومستۆو جٷرگٸزگەن تالداۋ بارىسىندا جەرگٸلٸكتٸ اتقارۋشى ورگاندار تاراپىنان بٸرقاتار زاڭسىزدىقتارعا جول بەرٸلگەنٸ بەلگٸلٸ بولعان.
اتاپ ايتقاندا, 4286 كەسٸپكەرگە مەملەكەتتٸك باقىلاۋ نەتيجەسٸندە الدىن الا ەسكەرتۋ بەرٸلمەي, بۇزۋشىلىقتاردى ٶز ەركٸمەن جويۋ مٷمكٸندٸگٸ شەكتەلگەن. سونىمەن قاتار جارناما بولىپ سانالمايتىن 127 نىسان سىرتقى جارناما رەتٸندە تٸركەلٸپ, ولارعا تٶلەماقى ەسەپتەلگەن.
بۇدان بٶلەك, سىرتقى جارناما نىسانىن ورناتپاعان 115 تۇلعا دا نەگٸزسٸز تٶلەم تٶلەۋشٸ رەتٸندە تانىلعان.
پروكۋراتۋرا مەلٸمەتٸنشە, وسىنىڭ سالدارىنان كەسٸپكەرلەرگە جالپى كٶلەمٸ 260 ملن تەڭگە زاڭسىز ەسەپتەلگەن.
پروكۋرورلىق قاداعالاۋ اكتٸلەرٸنٸڭ نەتيجەسٸندە بيۋدجەتكە ٶندٸرٸلگەن قاراجات كەرٸ قايتارىلىپ, 2571 كەسٸپكەر مەن جەكە تۇلعانىڭ قۇقىقتارى قورعالدى.
سونىمەن قاتار, زاڭ بۇزۋشىلىقتارعا جول بەرگەن لاۋازىمدى تۇلعالار تەرتٸپتٸك جەنە ەكٸمشٸلٸك جاۋاپكەرشٸلٸككە تارتىلدى.
ايتا كەتەيٸك, بۇعان دەيٸن قالادا جارناما تٶلەمدەرٸن ەسەپتەۋ مەسەلەسٸ كەسٸپكەرلەر اراسىندا تٷسٸنبەۋشٸلٸك تۋدىرعان بولاتىن.
