Shymkent qalasynyń kásipkerleri koronavirýspen kúreske úlesin qosyp, «Shymkent – qaiyrymdy qala» áleýmettik-qaiyrymdyq qoryna 100 mln teńgeden astam qarjy bólgen. Bul týraly qor direktory Dáýrenbek Qurbaniiazov málimdedi, dep habarlaidy "Ult aqparat".
Dáýrenbek Qurbaniiazovtyń aitýynsha, bul qarjyǵa 5 dana ókpeni jasandy jeldetý apparaty alynǵan. Quraldardyń tórteýi jańa juqpaly aýrýhanaǵa, bireýi kardiologiialyq ortalyqqa ornatylǵan. Búginde osy maqsatqa jumsalǵan qarjy kólemi 90 mln teńgeni quraidy.
Sonymen qatar, qyzmettik boryshyn óteý barysynda qaza bolǵan dárigerlerdiń otbasyna da «Shymkent qaiyrymdy qala» qory tarapynan qarjylai qoldaý kórsetildi. Kúni búginge deiin qordyń kómegimen qosymsha ashylǵan provizorlyq ortalyqtardaǵy tósek-orynǵa arnalǵan 30 kereýet pen 2 400 litr mineraldy sý alynǵan. Aldaǵy aptada 10 myń betperde men 1 myń dana meditsinalyq kiim taratý josparlanyp otyr.
Aita ketsek, «Shymkent – qaiyrymdy qala» qorynyń negizgi maqsaty – áleýmettik, mádeni, ǵylymi, sporttyq, bilim berý maqsattaryna qol jetkizý, azamattardyń densaýlyǵyn saqtaý, qorshaǵan ortany qorǵaý, sonymen qatar basqa da áleýmettik paidaly máseleler. Bul qor koronavirýs infektsiiasymen kúreste úlken áleýmettik kómek kórsetip keledi
