شىمكەنت قالاسىنىڭ كەسٸپكەرلەرٸ كوروناۆيرۋسپەن كٷرەسكە ٷلەسٸن قوسىپ, «شىمكەنت – قايىرىمدى قالا» ەلەۋمەتتٸك-قايىرىمدىق قورىنا 100 ملن تەڭگەدەن استام قارجى بٶلگەن. بۇل تۋرالى قور ديرەكتورى دەۋرەنبەك قۇربانييازوۆ مەلٸمدەدٸ, دەپ حابارلايدى "ۇلت اقپارات".
دەۋرەنبەك قۇربانييازوۆتىڭ ايتۋىنشا, بۇل قارجىعا 5 دانا ٶكپەنٸ جاساندى جەلدەتۋ اپپاراتى الىنعان. قۇرالداردىڭ تٶرتەۋٸ جاڭا جۇقپالى اۋرۋحاناعا, بٸرەۋٸ كارديولوگييالىق ورتالىققا ورناتىلعان. بٷگٸندە وسى ماقساتقا جۇمسالعان قارجى كٶلەمٸ 90 ملن تەڭگەنٸ قۇرايدى.
سونىمەن قاتار, قىزمەتتٸك بورىشىن ٶتەۋ بارىسىندا قازا بولعان دەرٸگەرلەردٸڭ وتباسىنا دا «شىمكەنت قايىرىمدى قالا» قورى تاراپىنان قارجىلاي قولداۋ كٶرسەتٸلدٸ. كٷنٸ بٷگٸنگە دەيٸن قوردىڭ كٶمەگٸمەن قوسىمشا اشىلعان پروۆيزورلىق ورتالىقتارداعى تٶسەك-ورىنعا ارنالعان 30 كەرەۋەت پەن 2 400 ليتر مينەرالدى سۋ الىنعان. الداعى اپتادا 10 مىڭ بەتپەردە مەن 1 مىڭ دانا مەديتسينالىق كيٸم تاراتۋ جوسپارلانىپ وتىر.
ايتا كەتسەك, «شىمكەنت – قايىرىمدى قالا» قورىنىڭ نەگٸزگٸ ماقساتى – ەلەۋمەتتٸك, مەدەني, عىلىمي, سپورتتىق, بٸلٸم بەرۋ ماقساتتارىنا قول جەتكٸزۋ, ازاماتتاردىڭ دەنساۋلىعىن ساقتاۋ, قورشاعان ورتانى قورعاۋ, سونىمەن قاتار باسقا دا ەلەۋمەتتٸك پايدالى مەسەلەلەر. بۇل قور كوروناۆيرۋس ينفەكتسيياسىمەن كٷرەستە ٷلكەن ەلەۋمەتتٸك كٶمەك كٶرسەتٸپ كەلەدٸ
