Shymkentte karantin kezinde jumysyn toqtatpaǵan oiynhana anyqtaldy, dep habarlaidy Polisia.kz.
30 shildede Eńbekshi aýdany boiynsha júrgizilgen jedel profilaktikalyq is-sharalar nátijesinde Shymkent qalasy boiynsha bas memlekettik sanitar dáriger qaýlysynyń talaptaryn saqtamai, túngi 23.00 shamasynda «THE GAME» oiynhanasy jumys jasap turǵany anyqtaldy. Bul nysan Shymkent qalasy 18-móltekaýdan T.Rysqulov kóshesi boiynda ornalasqan.
Tekserý barysynda oiynhana ishinde 11 adamnyń bolǵany anyqtalyp, oiynhana iesine zańdy shara qoldaný úshin Eńbekshi aýdany taýarlar men kórsetiletin qyzmetter sapasynyń qaýipsizdigin baqylaý basqarmasyna jáne oiynhananyń zańdylyǵyn tekserý úshin Shymkent qalasy boiynsha memlekettik kirister departamentine is-qujattar joldandy.
31 shildede Temirlan tas joly boiyndaǵy «Alash» bazarynyń aýmaǵynda ornalasqan ataýy joq oiynhana karantin rejimine qaramastan jumys jasap turǵany anyqtaldy.
Atalǵan jait boiynsha oiynhana ákimshisinen túsinikteme alyndy. Onda jeke kásipker ǵimarat ishinde qyzmetshiler men kúzetshi bolǵanyn kórsetken.
Degenmen, jinaqtalǵan dáleldemelerdi basshylyqqa ala otyryp, QR ÁQBtK 425-baby 1-bóligimen tiisti shara qoldaný úshin Shymkent qalasy taýarlar men kórsetiletin qyzmetter sapasynyń qaýipsizdigin baqylaý basqarmasyna is-qujattar joldandy.
