Áleýmettik jelide Shymkentte bolǵan fýtbol jankúierleri arasyndaǵy janjaldyń videosy tarady. Bul jaǵdaiǵa qatysty IIM baspasóz qyzmeti pikir bildirdi, dep habarlaidy "Ult aqparat".
"29 qazan saǵat 17.30-da 102 arnasyna Shymkent qalasynyń turǵynynan Táýke han dańǵyly men A.Baitursynov kóshesiniń qiylysynda jas azamattardyń jinalǵany týraly habarlama tústi.
Belgili bolǵandai, Aqtóbe qalasynyń 50 shaqty turǵyny ("Aqtóbe" fýtbol komandasynyń jankúierleri) A.Baitursynov kóshesiniń boiynda Shymkent qalasynyń 10 turǵynyn ("Ordabasy" fýtbol komandasynyń jankúierleri) jolyqtyryp, aralarynda aýyzsha janjal týyndaǵan. Olardy politsiia qyzmetkerleri toqtatty.
Atalǵan tulǵalardyń barlyǵy Shymkent qalasy PD Ál-Farabi aýdandyq Politsiia basqarmasyna jetkizildi. Jaýap alý barysynda azamattar tóbeles jaityn joqqa shyǵaryp, bir-birine qatysty shaǵymdary joq ekenin aitty.
Barlyq jetkizilgen tulǵalarmen profilaktikalyq áńgime júrgizildi", - dedi politsiia ókilderi.
