ەلەۋمەتتٸك جەلٸدە شىمكەنتتە بولعان فۋتبول جانكٷيەرلەرٸ اراسىنداعى جانجالدىڭ ۆيدەوسى تارادى. بۇل جاعدايعا قاتىستى ٸٸم باسپاسٶز قىزمەتٸ پٸكٸر بٸلدٸردٸ, دەپ حابارلايدى "ۇلت اقپارات".
"29 قازان ساعات 17.30-دا 102 ارناسىنا شىمكەنت قالاسىنىڭ تۇرعىنىنان تەۋكە حان داڭعىلى مەن ا.بايتۇرسىنوۆ كٶشەسٸنٸڭ قيىلىسىندا جاس ازاماتتاردىڭ جينالعانى تۋرالى حابارلاما تٷستٸ.
بەلگٸلٸ بولعانداي, اقتٶبە قالاسىنىڭ 50 شاقتى تۇرعىنى ("اقتٶبە" فۋتبول كومانداسىنىڭ جانكٷيەرلەرٸ) ا.بايتۇرسىنوۆ كٶشەسٸنٸڭ بويىندا شىمكەنت قالاسىنىڭ 10 تۇرعىنىن ("ورداباسى" فۋتبول كومانداسىنىڭ جانكٷيەرلەرٸ) جولىقتىرىپ, ارالارىندا اۋىزشا جانجال تۋىنداعان. ولاردى پوليتسييا قىزمەتكەرلەرٸ توقتاتتى.
اتالعان تۇلعالاردىڭ بارلىعى شىمكەنت قالاسى پد ەل-فارابي اۋداندىق پوليتسييا باسقارماسىنا جەتكٸزٸلدٸ. جاۋاپ الۋ بارىسىندا ازاماتتار تٶبەلەس جايتىن جوققا شىعارىپ, بٸر-بٸرٸنە قاتىستى شاعىمدارى جوق ەكەنٸن ايتتى.
بارلىق جەتكٸزٸلگەن تۇلعالارمەن پروفيلاكتيكالىق ەڭگٸمە جٷرگٸزٸلدٸ", - دەدٸ پوليتسييا ٶكٸلدەرٸ.
