© otyrar.kz
Shymkentte 1989 jyly týǵan er adamdy izdeý jumystary bir jylǵa jýyq ýaqyt boiy júrip jatyr, - dep habarlaidy Tengrinews.kz tilshisi Otyrar.kz saityna silteme jasap.
2021 jyly 19 sáýirde Shymkent qalasynyń týmasy Sergei Orlianskii Chapaevka shaǵynaýdanyndaǵy úiinen shyǵyp ketip, oralmaǵan. Týystary Sergeidiń aman-saý tabylatynynan úmit úzbeidi. Bul ýaqyt ishinde er adamnyń anasy qaitys bolǵan. Ol kúni-túni ulynyń úige oralýyn surap, duǵa etken.
"Osy ýaqytqa deiin qansha ret izdedik. Ne óli, ne tiri ekenin bilmeimiz. Anasy ol kelgenin kútpei, qaitys boldy. Anasy qatty ýaiymdap, ony tabýymyzdy ótindi. Biraq barlyq jumys nátijesiz boldy", - deidi Lider eriktiler qozǵalysynyń joǵalǵan adamdardy izdeý jónindegi koordinatory Liýdmila Gerasimova.
Er adam jumbaq jaǵdaida joǵalyp ketken. Eriktiler qozǵalysy málimetinshe, ol úiinen shyǵyp, iz-túzsiz ketken. Sodan beri onyń barýy múmkin jerler týraly birneshe nusqa bolǵan. Onyń ishinde quldyqqa tústi nemese óltirildi degen nusqalar da bar.
"Bireý onyń quldyqta ekenin, endi bireý onyń óltirilgenin aitty. Týystarynyń aitýynsha, ol minezdi bolǵan, adamdarmen jii janjaldasatyn. Qalai bolǵanda da, ony ary qarai izdei beremiz. Sondyqtan buqaralyq aqparat quraldarymen aqparatty, fotosýretterdi taratý úshin birge jumys isteimiz. Múmkin, bireý qaida ekenin biledi nemese kórip qaldy. Kez kelgen aqparat mańyzdy", - dedi eriktiler qozǵalysynyń koordinatory.
