© otyrar.kz
شىمكەنتتە 1989 جىلى تۋعان ەر ادامدى ٸزدەۋ جۇمىستارى بٸر جىلعا جۋىق ۋاقىت بويى جٷرٸپ جاتىر, - دەپ حابارلايدى Tengrinews.kz تٸلشٸسٸ Otyrar.kz سايتىنا سٸلتەمە جاساپ.
2021 جىلى 19 سەۋٸردە شىمكەنت قالاسىنىڭ تۋماسى سەرگەي ورليانسكيي چاپاەۆكا شاعىناۋدانىنداعى ٷيٸنەن شىعىپ كەتٸپ, ورالماعان. تۋىستارى سەرگەيدٸڭ امان-ساۋ تابىلاتىنىنان ٷمٸت ٷزبەيدٸ. بۇل ۋاقىت ٸشٸندە ەر ادامنىڭ اناسى قايتىس بولعان. ول كٷنٸ-تٷنٸ ۇلىنىڭ ٷيگە ورالۋىن سۇراپ, دۇعا ەتكەن.
"وسى ۋاقىتقا دەيٸن قانشا رەت ٸزدەدٸك. نە ٶلٸ, نە تٸرٸ ەكەنٸن بٸلمەيمٸز. اناسى ول كەلگەنٸن كٷتپەي, قايتىس بولدى. اناسى قاتتى ۋايىمداپ, ونى تابۋىمىزدى ٶتٸندٸ. بٸراق بارلىق جۇمىس نەتيجەسٸز بولدى", - دەيدٸ Lider ەرٸكتٸلەر قوزعالىسىنىڭ جوعالعان ادامداردى ٸزدەۋ جٶنٸندەگٸ كوورديناتورى ليۋدميلا گەراسيموۆا.
ەر ادام جۇمباق جاعدايدا جوعالىپ كەتكەن. ەرٸكتٸلەر قوزعالىسى مەلٸمەتٸنشە, ول ٷيٸنەن شىعىپ, ٸز-تٷزسٸز كەتكەن. سودان بەرٸ ونىڭ بارۋى مٷمكٸن جەرلەر تۋرالى بٸرنەشە نۇسقا بولعان. ونىڭ ٸشٸندە قۇلدىققا تٷستٸ نەمەسە ٶلتٸرٸلدٸ دەگەن نۇسقالار دا بار.
"بٸرەۋ ونىڭ قۇلدىقتا ەكەنٸن, ەندٸ بٸرەۋ ونىڭ ٶلتٸرٸلگەنٸن ايتتى. تۋىستارىنىڭ ايتۋىنشا, ول مٸنەزدٸ بولعان, ادامدارمەن جيٸ جانجالداساتىن. قالاي بولعاندا دا, ونى ارى قاراي ٸزدەي بەرەمٸز. سوندىقتان بۇقارالىق اقپارات قۇرالدارىمەن اقپاراتتى, فوتوسۋرەتتەردٸ تاراتۋ ٷشٸن بٸرگە جۇمىس ٸستەيمٸز. مٷمكٸن, بٸرەۋ قايدا ەكەنٸن بٸلەدٸ نەمەسە كٶرٸپ قالدى. كەز كەلگەن اقپارات ماڭىزدى", - دەدٸ ەرٸكتٸلەر قوزعالىسىنىڭ كوورديناتورى.
