Foto: egemen.kz
Shymkentte eki temirjol ótkelin salý úshin 26 jer ýchaskesi memleket qajettiligine qaitarylady. Momynov jáne Tilenshin atyndaǵy kóshelerdiń boiynda ornalasqan jeke ýchaskelerdiń ielerimen kelisim jasalyp, naryqtyq baǵalaý júrgizilip jatyr, dep habarlaidy Ult.kz 24kz-ke silteme jasap.
Qurylys jobasy boiynsha eki jolaqty joldyń jiegi 15 metrge keńeitiledi. Nátijesinde jyl sońyna qarai poiyzdyń júrý jiiligine qaramastan, oblys aýmaǵynan qalaǵa qatynaityn kólik qozǵalysy retteledi. Qurylys barysymen tanysqan májilis depýtattary Bolatbek Najmetdinuly men Danabek Isabekov osylai deidi.
Baqytjan Aiazbekov, qala turǵyny: - Poiyzdyń jiiligine bailanysty myna Momynov kóshesi, Tilenshin kóshelerinde saǵattap kútýshi edik. Bul mańyzdy joba. Kúre jol. Tóle bi aýdanyna, Sairam aýdanyna jii qatynaimyz. Sondyqtan qurylysty sapaly etip merziminde tapsyrýyn kútemiz. Halyqtyń úmiti sol.
Depýttar temirjol ótkelin salý máselesine byltyr aralasyp, respýblikalyq biýdjetten qarajat bólýge sebepker bolǵan edi.
Bolatbek Najmetdinuly, QR Parlamenti Májilisiniń depýtaty: - 2024 jyldyń biýdjetin naqtylaý kezinde 2025-2027 jyldyń biýdjetin qaraý kezinde osynyń qarjysyn bólý týraly bizde Parlamentte óte úlken jumys júrdi. Jobalyq-smetalyq qujattyń aldyn ala qoiǵan tehnikalyq tapsyrysy durys. Men ózim aqtaryp, tanysyp kórdim. Bir ótkelge 7 mlrd 800 mln bólinse, ekinshi ótkelge 5,5 mlrd bólinip otyr.
