فوتو: egemen.kz
شىمكەنتتە ەكٸ تەمٸرجول ٶتكەلٸن سالۋ ٷشٸن 26 جەر ۋچاسكەسٸ مەملەكەت قاجەتتٸلٸگٸنە قايتارىلادى. مومىنوۆ جەنە تٸلەنشين اتىنداعى كٶشەلەردٸڭ بويىندا ورنالاسقان جەكە ۋچاسكەلەردٸڭ يەلەرٸمەن كەلٸسٸم جاسالىپ, نارىقتىق باعالاۋ جٷرگٸزٸلٸپ جاتىر, دەپ حابارلايدى Ult.kz 24kz-كە سٸلتەمە جاساپ.
قۇرىلىس جوباسى بويىنشا ەكٸ جولاقتى جولدىڭ جيەگٸ 15 مەترگە كەڭەيتٸلەدٸ. نەتيجەسٸندە جىل سوڭىنا قاراي پويىزدىڭ جٷرۋ جيٸلٸگٸنە قاراماستان, وبلىس اۋماعىنان قالاعا قاتىنايتىن كٶلٸك قوزعالىسى رەتتەلەدٸ. قۇرىلىس بارىسىمەن تانىسقان مەجٸلٸس دەپۋتاتتارى بولاتبەك ناجمەتدينۇلى مەن دانابەك يسابەكوۆ وسىلاي دەيدٸ.
باقىتجان ايازبەكوۆ, قالا تۇرعىنى: - پويىزدىڭ جيٸلٸگٸنە بايلانىستى مىنا مومىنوۆ كٶشەسٸ, تٸلەنشين كٶشەلەرٸندە ساعاتتاپ كٷتۋشٸ ەدٸك. بۇل ماڭىزدى جوبا. كٷرە جول. تٶلە بي اۋدانىنا, سايرام اۋدانىنا جيٸ قاتىنايمىز. سوندىقتان قۇرىلىستى ساپالى ەتٸپ مەرزٸمٸندە تاپسىرۋىن كٷتەمٸز. حالىقتىڭ ٷمٸتٸ سول.
دەپۋتتار تەمٸرجول ٶتكەلٸن سالۋ مەسەلەسٸنە بىلتىر ارالاسىپ, رەسپۋبليكالىق بيۋدجەتتەن قاراجات بٶلۋگە سەبەپكەر بولعان ەدٸ.
بولاتبەك ناجمەتدينۇلى, قر پارلامەنتٸ مەجٸلٸسٸنٸڭ دەپۋتاتى: - 2024 جىلدىڭ بيۋدجەتٸن ناقتىلاۋ كەزٸندە 2025-2027 جىلدىڭ بيۋدجەتٸن قاراۋ كەزٸندە وسىنىڭ قارجىسىن بٶلۋ تۋرالى بٸزدە پارلامەنتتە ٶتە ٷلكەن جۇمىس جٷردٸ. جوبالىق-سمەتالىق قۇجاتتىڭ الدىن الا قويعان تەحنيكالىق تاپسىرىسى دۇرىس. مەن ٶزٸم اقتارىپ, تانىسىپ كٶردٸم. بٸر ٶتكەلگە 7 ملرد 800 ملن بٶلٸنسە, ەكٸنشٸ ٶتكەلگە 5,5 ملرد بٶلٸنٸپ وتىر.
