Beineden alynǵan kadrlar
Shymkent qalasynda kóshe qiylysynda qaýipti drift jasaǵan júrgizýshi jaýapkershilikke tartyldy. Politsiia málimetinshe, 34 jastaǵy er adam qoǵamdyq tártipti óreskel buzyp, jol qozǵalysy erejelerin elemegen, dep habarlaidy Ult.kz.
Tártip buzýshy Mercedes-Benz kóligimen ádeii drift uiymdastyryp, kúrt manevrlar jasap, qarsy jolaqqa shyǵyp ketken. Onyń bul áreketi jol ústindegi ózge qatysýshylardyń ómiri men densaýlyǵyna tikelei qaýip tóndirgen.
Júrgizýshiniń aitýynsha, ol mundai qaýipti áreketke inisiniń úilený toiyn «erekshe atap ótý» úshin barǵan. Alaida mundai «toilaý» qaiǵyly jaǵdaiǵa ákelýi múmkin edi.
Jedel qabyldanǵan sharalar nátijesinde quqyq buzýshy anyqtalyp, ustaldy. Sot sheshimimen oǵan ákimshilik qamaý jazasy taǵaiyndaldy.
Quqyq qorǵaý organdary azamattarǵa joldaǵy jaýapsyz áreketterdiń aýyr saldary bolatynyn eskertip, qaýip tóndiretin kez kelgen zań buzýshylyq qatań túrde toqtatylatynyn málimdedi.
