Shymkentte bes jastaǵy qyzdy qaǵyp ketken avtobýs júrgizýshisi qamaýǵa alyndy. Bul týraly qalalyq Politsiia departamenti resmi málimet taratty, dep habarlaidy "Ult aqparat".
Politsiia departamenti baspasóz qyzmetiniń málimetinshe, qaiǵyly oqiǵa 11 sáýirde saǵat 12:55 shamasynda bolǵan. Áliia Moldaǵulova kóshesiniń boiynda júrgizýshi №147 baǵyttaǵy markasy «Yotong» qoǵamdyq avtobýsymen jasóspirim jaiaý júrginshini qaǵyp ketip, mert qylǵan.
«Júrgizýshi 1979 jylǵy jergilikti turǵyn. Jol-kólik oqiǵasynyń nátijesinde alǵan dene jaraqattary saldarynan jaiaý júrginshi jasóspirim oqiǵa ornynda qaitys boldy. Atalǵan jait boiynsha Qylmystyq kodekstiń 345-baby 3-bóligimen sotqa deiingi tergep-tekserý amaly júrgizilýde. Tiisti saraptama taǵaiyndaldy», delingen habarlamada.
Aita keteiik, 147 baǵyttaǵy avtobýs «T-Bus» kompaniiasyna tiesili. Bul oqiǵaǵa bailanysty jolaýshylar tasymalyna jaýapty basqarma ókilderi avtobýstyń jyldamdyǵy saǵatyna 40 shaqyrymnan aspaǵanyn alǵa tartty.
