شىمكەنتتە بەس جاستاعى قىزدى قاعىپ كەتكەن اۆتوبۋس جٷرگٸزۋشٸسٸ قاماۋعا الىندى. بۇل تۋرالى قالالىق پوليتسييا دەپارتامەنتٸ رەسمي مەلٸمەت تاراتتى, دەپ حابارلايدى "ۇلت اقپارات".
پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, قايعىلى وقيعا 11 سەۋٸردە ساعات 12:55 شاماسىندا بولعان. ەلييا مولداعۇلوۆا كٶشەسٸنٸڭ بويىندا جٷرگٸزۋشٸ №147 باعىتتاعى ماركاسى «Yotong» قوعامدىق اۆتوبۋسىمەن جاسٶسپٸرٸم جاياۋ جٷرگٸنشٸنٸ قاعىپ كەتٸپ, مەرت قىلعان.
«جٷرگٸزۋشٸ 1979 جىلعى جەرگٸلٸكتٸ تۇرعىن. جول-كٶلٸك وقيعاسىنىڭ نەتيجەسٸندە العان دەنە جاراقاتتارى سالدارىنان جاياۋ جٷرگٸنشٸ جاسٶسپٸرٸم وقيعا ورنىندا قايتىس بولدى. اتالعان جايت بويىنشا قىلمىستىق كودەكستٸڭ 345-بابى 3-بٶلٸگٸمەن سوتقا دەيٸنگٸ تەرگەپ-تەكسەرۋ امالى جٷرگٸزٸلۋدە. تيٸستٸ ساراپتاما تاعايىندالدى», دەلٸنگەن حابارلامادا.
ايتا كەتەيٸك, 147 باعىتتاعى اۆتوبۋس «T-Bus» كومپانيياسىنا تيەسٸلٸ. بۇل وقيعاعا بايلانىستى جولاۋشىلار تاسىمالىنا جاۋاپتى باسقارما ٶكٸلدەرٸ اۆتوبۋستىڭ جىلدامدىعى ساعاتىنا 40 شاقىرىمنان اسپاعانىن العا تارتتى.
