Shymkentte Ábý Nasyr ál-Farabi men Abaiǵa eskertkishter ornatylady, dep habarlaidy "Ult aqparat".
Búgin qala ákimi Erlan Aitahanovtyń qatysýymen ótken jiynda ornatylatyn eskertkishterge qatysty máseleler talqylandy,.
Ashyq konkýrs negizinde Ábý Nasyr ál-Farabi eskertkishine 12 joba boiynsha 7 úmitker jáne Abai eskertkishine 14 joba boiynsha 7 úmitker qatysty. Úzdikterdi anyqtaý úshin qurylǵan arnaiy komissiia músheligine Shymkent qalasy máslihatynyń depýtattary, basqarma basshylary jáne elimizge tanymal sáýletshiler men sýretshiler endi.
Jiynǵa qala ákimi Uly tulǵalardyń eskertkishin ornatý boiynsha úzdik jobalardy anyqtaý ońaiǵa soqpaitynyn atap ótti.
«Keler jyl elimiz úshin erekshe rýhani oqiǵalar kezeńine ainalǵaly otyr. Dala danyshpany atanǵan Ábý Nasyr ál-Farabidiń 1150 jyldyq jáne ultymyzdyń uly oishyly, aqyn Abaidyń 175 jyldyq mereitoilaryn joǵary deńgeide atap ótý jaýapkershiligi tur. Sondyqtan bul mereitoilar bárimiz úshin úlken syn, tarihi jaýapkershilik dep bilemin. Biz ár qatysýshynyń eskizdik jobasyna yqylaspen, zeiinmen qaraýymyz tiis. Sebebi, qalamyzdyń qasbeti men shyraiyn ashatyn eskertkish ornatý negizgi maqsatymyz bolyp tabylady», - dedi Erlan Aitahanov.
Úsh saǵatqa sozylǵan jiyn qortyndysymen Ál-Farabi eskertkishiniń eskizdik jobasy boiynsha 1-oryndy Erǵali Mustafaev, 2-oryndy Báimen Batýhan, 3-oryndy Ómirzaq Shanov ielendi. Al, Abai eskertkishiniń eskizdik jobasy boiynsha 1-oryndy Ábdikárim Ahmetov, 2-oryndy Quttybek Jaqyp, 3-oryndy Erǵali Mustafaev aldy. Júldegerler qala ákiminiń arnaiy diplomymen jáne qarjylai syilyqpen marapattaldy.
Aita keteiik, baiqaýdyń ekinshi kezeń qorytyndysy Shymkent qalasy ákimdiginiń resmi saitynda jariialanady.
