Foto: ©El.kz/Arman MUHATOV
QMA aýmaqtyq departamenti Shymkent qalasy Ál-Farabi aýdany ákimdiginiń laýazymdy tulǵasyna qatysty asa iri mólsherde biýdjet qarajatyn jymqyrdy degen kúdikpen isti tergep jatyr, dep habarlaidy "Ult aqparat" Qarjylyq monitoring agenttigine silteme jasap.
Kúdikti óziniń laýazymdyq jaǵdaiyn paidalana otyryp, qala aýmaǵyndaǵy kópqabatty úilerdiń 150 aýlasyn abattandyrý boiynsha smetalyq qujattamada jumystar men materialdar baǵasyn negizsiz qymbattatqan.
Osylaisha ol asa iri mólsherde, iaǵni 700 mln teńgeden astam somada biýdjet qarajatyn jymqyrdy dep kúdiktelip otyr.
"Sot sanktsiiasymen atalǵan azamat ustalyp, qamaýǵa alyndy.
Sotqa deiingi tergeý jalǵasýda. QR QPK-niń 201-babyna sáikes ózge de aqparat jariia etýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen habarlamada.
