Shymkenttiń Eńbekshiqazaq aýdandyq soty adam óltirdi degen kúdikpen Qytai azamatyn 2 ai merzimge qamaýǵa alýǵa sheshim shyǵardy, dep habarlaidy QazAqparat tilshisi.
«Sotqa material kelip tústi, tergep-tekserý júrip jatyr. Is materialdaryna qaraǵanda, olar ózara kelispei qalǵan bolýy múmkin», - deidi Eńbekshiqazaq aýdandyq sotynyń úilestirýshi sýdiasy Qairat Izbasarov.
Qaiǵyly oqiǵa 11 mamyr kúni Shymkenttegi jekemenshik kompaniialardyń biriniń ashanasynda bolǵan. QHR-nyń 29 jastaǵy azamaty janjal kezinde 34 jastaǵy óz otandasyna pyshaq salyp, jaraqat saldarynan jábirlenýshi qaza tapqan. Politsiia «Adam óltirý» babymen qylmystyq is qozǵady.
