شىمكەنتتٸڭ ەڭبەكشٸقازاق اۋداندىق سوتى ادام ٶلتٸردٸ دەگەن كٷدٸكپەن قىتاي ازاماتىن 2 اي مەرزٸمگە قاماۋعا الۋعا شەشٸم شىعاردى, دەپ حابارلايدى قازاقپارات تٸلشٸسٸ.
«سوتقا ماتەريال كەلٸپ تٷستٸ, تەرگەپ-تەكسەرۋ جٷرٸپ جاتىر. ٸس ماتەريالدارىنا قاراعاندا, ولار ٶزارا كەلٸسپەي قالعان بولۋى مٷمكٸن», - دەيدٸ ەڭبەكشٸقازاق اۋداندىق سوتىنىڭ ٷيلەستٸرۋشٸ سۋدياسى قايرات ٸزباساروۆ.
قايعىلى وقيعا 11 مامىر كٷنٸ شىمكەنتتەگٸ جەكەمەنشٸك كومپانييالاردىڭ بٸرٸنٸڭ اسحاناسىندا بولعان. قحر-نىڭ 29 جاستاعى ازاماتى جانجال كەزٸندە 34 جاستاعى ٶز وتانداسىنا پىشاق سالىپ, جاراقات سالدارىنان جەبٸرلەنۋشٸ قازا تاپقان. پوليتسييا «ادام ٶلتٸرۋ» بابىمەن قىلمىستىق ٸس قوزعادى.
