Shymkentte 500-den astam meditsina qyzmetkerine qosymsha syiaqy taǵaiyndaldy. Demeýshiler esebinen jinalǵan 25 mln teńge qalalyq juqpaly aýrýlar aýrýhanasy men №2 qalalyq aýrýhana qyzmetkerlerine berildi, dep habarlaidy "Ult aqparat".
Syiaqy alǵan aq halattylar qaladaǵy tórt birdei meditsinalyq mekemede ózgeniń saýlyǵy úshin tynymsyz eńbek etip júr. Qomaqty qarajat «Meiirim» jáne «Atameken» ońaltý ortalyǵynda karantin rejiinde toqtaýsyz eńbektenip júrgen meditsina mamandary da berildi. Sonymen qatar, koronavirýspen kúresip jatqan 2 126 meditsina mamandaryna ústemaqy tólendi.
Sala mamandary jumystarynyń qaýiptiligine qarai 3 topqa bólingen. Birinshi sanattaǵy óte qaýipti jaǵdaida jumys istegen 24 qyzmetkerge 8,749 mln, ekinshi sanattaǵy qalypty jaǵdaida jumys isteitin dárigerler men feldshelerge jáne ózge de 977 mamandarǵa 294 mln teńge bólingen.
Al, úshinshi deńgeidegi qaýipsizdik jaǵdaiynda jumys isteitin 1 126 meditsina mamanyna 91 mln teńge qarajat qarastyrylǵan. Ústemaqy alǵandar reanimatsiia bólimderi men juqpaly aýrýlar statsionarlarynyń dárigerleri, karantindik aimaqtaǵy orta jáne kishi meditsina qyzmetkerleri. Sondai-aq provizorlyq statsionar men jedel járdem qyzmetiniń dárigerleri, jedel-járdem kóliginiń júrgizýshileri de qarajattan úles alǵan.
Aita keteiik, qaladaǵy memlekettik meditsinalyq uiymdarda jalpy 3 226 dáriger men 8 493 orta býyn meditsina mamany jumys istep jatyr.
