شىمكەنتتە 500-دەن استام مەديتسينا قىزمەتكەرٸنە قوسىمشا سىياقى تاعايىندالدى. دەمەۋشٸلەر ەسەبٸنەن جينالعان 25 ملن تەڭگە قالالىق جۇقپالى اۋرۋلار اۋرۋحاناسى مەن №2 قالالىق اۋرۋحانا قىزمەتكەرلەرٸنە بەرٸلدٸ, دەپ حابارلايدى "ۇلت اقپارات".
سىياقى العان اق حالاتتىلار قالاداعى تٶرت بٸردەي مەديتسينالىق مەكەمەدە ٶزگەنٸڭ ساۋلىعى ٷشٸن تىنىمسىز ەڭبەك ەتٸپ جٷر. قوماقتى قاراجات «مەيٸرٸم» جەنە «اتامەكەن» وڭالتۋ ورتالىعىندا كارانتين رەجيٸندە توقتاۋسىز ەڭبەكتەنٸپ جٷرگەن مەديتسينا ماماندارى دا بەرٸلدٸ. سونىمەن قاتار, كوروناۆيرۋسپەن كٷرەسٸپ جاتقان 2 126 مەديتسينا ماماندارىنا ٷستەماقى تٶلەندٸ.
سالا ماماندارى جۇمىستارىنىڭ قاۋٸپتٸلٸگٸنە قاراي 3 توپقا بٶلٸنگەن. بٸرٸنشٸ ساناتتاعى ٶتە قاۋٸپتٸ جاعدايدا جۇمىس ٸستەگەن 24 قىزمەتكەرگە 8,749 ملن, ەكٸنشٸ ساناتتاعى قالىپتى جاعدايدا جۇمىس ٸستەيتٸن دەرٸگەرلەر مەن فەلدشەلەرگە جەنە ٶزگە دە 977 ماماندارعا 294 ملن تەڭگە بٶلٸنگەن.
ال, ٷشٸنشٸ دەڭگەيدەگٸ قاۋٸپسٸزدٸك جاعدايىندا جۇمىس ٸستەيتٸن 1 126 مەديتسينا مامانىنا 91 ملن تەڭگە قاراجات قاراستىرىلعان. ٷستەماقى العاندار رەانيماتسييا بٶلٸمدەرٸ مەن جۇقپالى اۋرۋلار ستاتسيونارلارىنىڭ دەرٸگەرلەرٸ, كارانتيندٸك ايماقتاعى ورتا جەنە كٸشٸ مەديتسينا قىزمەتكەرلەرٸ. سونداي-اق پروۆيزورلىق ستاتسيونار مەن جەدەل جەردەم قىزمەتٸنٸڭ دەرٸگەرلەرٸ, جەدەل-جەردەم كٶلٸگٸنٸڭ جٷرگٸزۋشٸلەرٸ دە قاراجاتتان ٷلەس العان.
ايتا كەتەيٸك, قالاداعى مەملەكەتتٸك مەديتسينالىق ۇيىمداردا جالپى 3 226 دەرٸگەر مەن 8 493 ورتا بۋىن مەديتسينا مامانى جۇمىس ٸستەپ جاتىر.
