Foto: ashyq derekkóz
Shymkenttegi «Jastar teatrynyń» direktory men birqatar laýazymdy tulǵalar 136 million teńgeden astam biýdjet qarajatyn jymqyrdy degen kúdikpen qamaýǵa alyndy, dep habarlaidy Ult.kz.
Memlekettik biýdjetten kontsert ótkizýge arnalǵan jabdyqtardy (kolonkalar, sabvýferler, mikrofondar, sahnalyq qurylǵylar jáne t.b.) satyp alýǵa 320 mln teńge bólingen. Alaida satyp alý kezinde zań talaptary óreskel buzylyp, lottar qoldan bólshektelip, 20-dan astam ataý boiynsha satyp alý elektrondy dúken arqyly júrgizilgen.
Jalǵan kásipkerlermen kelisimsharttar jasalyp, taýarlar naqty jetkizilmegen. Soǵan qaramastan, bólingen qarajat qolma-qol aqshaǵa ainaldyrylǵan.
Tergeý barysynda kúdiktilerdiń biri zańsyz jolmen tapqan tabysyna jalpy quny 48 mln teńge bolatyn páter men avtokólik satyp alǵany anyqtaldy. Atalǵan múlik senimdi tulǵalardyń atyna rásimdelip, jasyrýǵa tyrysqan.
Qazirgi ýaqytta sottyń sanktsiiasymen bul múlikke tyiym salyndy, al kúdiktiler ýaqytsha ustaý izoliatoryna qamaldy.
