Astanada marketpleistiń tapsyrys berý pýnktinde jumys istegen 19 jastaǵy boijetken 14,9 mln teńgeden astam somaǵa taýar urlaǵany úshin bes jylǵa bas bostandyǵynan aiyryldy. Bul týraly elorda prokýratýrasy habarlady, dep habarlaidy ult.kz.
Tergeý málimetinshe, boijetken altyn buiymdar, kiim-keshek pen azyq-túlikke tapsyrys berip, taýarlardy alǵannan keiin olardy iemdenip, qaitarý kezinde ornyna basqa zattardy salyp jibergen.
Máselen, quny 182 myń teńge bolatyn altyn syrǵanyń ornyna bijýteriia qaitarǵan. Osylaisha, ol jalpy quny 14,9 mln teńgeden asatyn 195 taýardy iemdengen.
Sot boijetkendi bes jylǵa bas bostandyǵynan aiyryp, jábirlenýshiniń shyǵyndy óndirý týraly talabyn qanaǵattandyrdy. Úkim zańdy kúshine endi.
