Almaty oblysynda birneshe er adam bir azamatqa top bolyp shabýyl jasap, onyń kóligine oq atqan. Oqiǵaǵa qatysy bar kúdiktiler birneshe saǵat ishinde ustaldy, dep habarlaidy ult.kz.
Oqiǵa 14 qazanda Ile aýdanyna qarasty Qosózen aýylynda bolǵan. Áleýmettik jelide oq tigen kóliktiń videosy tarady. Jazba avtorynyń aitýynsha, birneshe er adam bir azamatqa jabylyp, keiin kólikke oq atqan.
Almaty oblysynyń politsiia departamenti bul derek boiynsha buzaqylyq babymen qylmystyq is qozǵalǵanyn habarlady.
«Tergeý nátijesinde qaqtyǵystyń barlyq qatysýshysy birneshe saǵat ishinde ustalyp, ýaqytsha ustaý izoliatoryna qamaldy. Qazir qylmystyq is boiynsha sotqa deiingi tergeý júrgizilip jatyr. Oqiǵanyń barlyq mán-jaiy anyqtalyp, árbir qatysýshynyń áreketine tiisti quqyqtyq baǵa beriledi», — dep málimdedi politsiia.
Qazir oqiǵanyń sebepteri men janjaldyń qalai órbigeni anyqtalyp jatyr. Kúdiktilerdiń kinási sot sheshimimen anyqtalady.
Aita keteiik, buǵan deiin Almatyda es-tússiz jatqan er adamdy páterinen kóterip áketken oqiǵa tirkelgen edi. Keiin politsiia adam ólimine qatysty tórt kúdiktiniń ustalǵanyn habarlaǵan bolatyn.
