الماتى وبلىسىندا بٸرنەشە ەر ادام بٸر ازاماتقا توپ بولىپ شابۋىل جاساپ, ونىڭ كٶلٸگٸنە وق اتقان. وقيعاعا قاتىسى بار كٷدٸكتٸلەر بٸرنەشە ساعات ٸشٸندە ۇستالدى, دەپ حابارلايدى ult.kz.
وقيعا 14 قازاندا ٸلە اۋدانىنا قاراستى قوسٶزەن اۋىلىندا بولعان. ەلەۋمەتتٸك جەلٸدە وق تيگەن كٶلٸكتٸڭ ۆيدەوسى تارادى. جازبا اۆتورىنىڭ ايتۋىنشا, بٸرنەشە ەر ادام بٸر ازاماتقا جابىلىپ, كەيٸن كٶلٸككە وق اتقان.
الماتى وبلىسىنىڭ پوليتسييا دەپارتامەنتٸ بۇل دەرەك بويىنشا بۇزاقىلىق بابىمەن قىلمىستىق ٸس قوزعالعانىن حابارلادى.
«تەرگەۋ نەتيجەسٸندە قاقتىعىستىڭ بارلىق قاتىسۋشىسى بٸرنەشە ساعات ٸشٸندە ۇستالىپ, ۋاقىتشا ۇستاۋ يزولياتورىنا قامالدى. قازٸر قىلمىستىق ٸس بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. وقيعانىڭ بارلىق مەن-جايى انىقتالىپ, ەربٸر قاتىسۋشىنىڭ ەرەكەتٸنە تيٸستٸ قۇقىقتىق باعا بەرٸلەدٸ», — دەپ مەلٸمدەدٸ پوليتسييا.
قازٸر وقيعانىڭ سەبەپتەرٸ مەن جانجالدىڭ قالاي ٶربٸگەنٸ انىقتالىپ جاتىر. كٷدٸكتٸلەردٸڭ كٸنەسٸ سوت شەشٸمٸمەن انىقتالادى.
ايتا كەتەيٸك, بۇعان دەيٸن الماتىدا ەس-تٷسسٸز جاتقان ەر ادامدى پەتەرٸنەن كٶتەرٸپ ەكەتكەن وقيعا تٸركەلگەن ەدٸ. كەيٸن پوليتسييا ادام ٶلٸمٸنە قاتىستى تٶرت كٷدٸكتٸنٸڭ ۇستالعانىن حابارلاعان بولاتىن.
